ԲԱՐԻ ՎԵՐԱԴԱՐՁ, ԶԻՆՎՈՐ…

Տեղադրված է at Հուլիս 9, 2021
3037 0

Որքան վաղուց իմ գրիչն ուրախ նյութեր չի գրել, որքան վաղուց իմ ֆոտոխցիկը ուրախությունից ճառագող դեմքեր չի տեսել, որքան վաղուց ես ինքս ուրախությունից արտասվող մարդկանց չեմ նկարել… Այսօր ուրիշ էր, առանձնահատուկ ուրիշ, երանելի ուրիշ, ուրի~շ  ուրիշ… Իրենց զորացրված զինվորին էր սպասում Իսրայել-Օրի 1-ի ամբողջ շենքը, բոլոր բնակիչները, մեծից` փոքր, սպասում էին իրենց Արմենի վերադարձին, սպասում էին շուքով, զինվորին վայել տոնական տրամադրությամբ, 44-օրյա պատերազմ տեսած եւ պատերազմի կրակներից ողջ եւ առողջ տուն վերադարձող զինվորին արժանի հանդիսավորությամբ… սպասում էին` բակում սեղան բացած, բակը տոնականորեն զարդարած, զուռնայով ու դհոլով, խանդավառ ու կարոտած…

Մենք, որ վերջին ինը ամիսներին տեսել էինք միայն նահատակ զինվորների հուղարկավորություն, որ տեսել էինք միայն վշտից կուչ եկած զինվորի ծնողներ, հիմա մեր աչքերն էլ էին հրճվում անսովոր հրճավանքով…

Իսրայել-Օրի 1-ի ողջ շենքը բակում էր, դիմավորում էին Մարտունի 3-ում իր ծառայությունը պատվով ավարտած եւ տուն վերադարձած իրենց զինվորին` Արմեն Աշոտի Մարգարյանին: Հայրը` Աշոտը, խորին երախտագիտությամբ պատասխանելով իմ եւ բոլորի աչքալուսանքին, զսպելով ուրախությունը, չթաքցնելով հուզմունքը, մաղթեց, որ բոլոր ծնողները վայելեն այն բերկրանքը, որ ինքն է վայելում որդու վերադարձով, մաղթեց, որ զինվորին չոր աչքով ճանապարհենք եւ չոր աչքով դիմավորենք, մաղթեց, որ բոլոր օջախներում թեւածի այն խանդավառությունը, ինչպես որ իր օջախում է թեւածում որդու վերադարձով:

Մայրը` Քրիստինեն, անզոր ու անկարող որեւէ բառ ասել, միայն արտասվում էր ուրախությունից եւ անչափ զգացված էր հարեւանների կազմակերպած նման դիմավորումից:

Անակնկալ դիմավրումից զարմացած Արմենը հազիվ հասցնում էր միայն ողջագուրվել իրեն այնքան սիրով եւ ջերմությամբ սպասող հարեւաններին եւ, անկարող լինելով այսքանից հետո որեւէ բառ ասել, նշեց միայն, որ բոլոր զինվորներին կցանկանար այսպիսի դիմավորում եւ այսպիսի գրկաբաց ու սրտաբաց ընդունում…

Հարեւաններիսց մեկը, նկատելով նաեւ իմ ուրախությունը, մաղթեց, որ այսուհետ իմ ֆոտոխցիկը միայն այսպիսի լավ նորություններ արձանագրի եւ այսպիսի ուրախ դեմքեր նկարի…

Բարի վերադարձ, հայոց բանակի զինվոր, բարի վերադարձ տուն եւ թող հայրենիքին քո նվիրումը վարձատրվի հայրենակիցների անթաքույց ուրախությամբ, անկեղծ ժպիտներով եւ բարի, բարի մաղթանքներով ու աչքալուսանքներով…

Ա. ԱՄԻՐՅԱՆ

Ձեզ կարող է հետաքրքրել նաև

ՎԵՐՋԻՆ ԶԱՆԳ` ՍԻՍԻԱՆԻ ԱՎԱԳ ԴՊՐՈՑՈՒՄ…

Տեղադրվել է - Հունիս 4, 2021 0
Վերջին զանգ, որ հնչեց վերջին, վերջին անգամ… Բոլոր զանգերից ամենապարտավորեցնողը, բոլոր զանգերից` ամենահուզիչը, բոլոր զանգերից` ամենապատասխանատուն, բոլոր զանգերից` ամենազիլը, բոլոր…

ՀԻՄՆԱԿԱՆ ՀԱՍՑԵՆ` ԲՆՈՒՆԻՍ, «ԷԴԳԱՐԻ ՏՈՒՆ». Պատը շարվի պիտի, ուրիշ հնար չկա, Կյանքն ապրվի պիտի, ուրիշ հնար չկա…

Տեղադրվել է - Օգոստոս 25, 2023 0
Սեպտեմբերի 27-ին Հադրութի զորամասերից մեկի զինծառայող, առաջին պաշտպանական գծի նռնակաձիգ Էդգար Մարգարյանի ծննդայն օրն էր. լրանում էր 20-ամյակը: Զորակոչվել էր…

Սիսիան համայնքի ղեկավար Արթուր Սարգսյանը հրաժարականի դիմում է ներկայացրել

Տեղադրվել է - Օգոստոս 17, 2021 0
ՀՀ Սյունիքի մարզի Սիսիանի համայնքի ղեկավար Արթուր Սարգսյանը, ցանկանալով զբաղվել ՀՀ Ազգային ժողովի պատգամավորի լիազորություններից բխող գործունեությամբ, 2021թ. օգոստոսի 16-ին…

Հայրենական պատերազմի միակ վետերանը

Տեղադրվել է - Մայիս 9, 2022 0
Լորեցի 98-ամյա Հակոբ Լեւոնի Վարդանյանը Սիսիանի տարածաշրջանի` Հայրենական պատերազմի միակ վետերանն է: Հայրենական պատերազմի հաղթանակի 77-ամյակի կապակցությամբ նրան շնորհավորել, բարեմաղթանքներ…

ԻՄ ՈՏՔՈՎ ԿԳԱՄ, ԹԵ` ՈՒՐԻՇԻ ՁԵՌՔԵՐԻ ՎՐԱ, ԴՈՒՔ ԻՐԱՐ ՀԵՏ ԼԱՎ ԵՂԵՔ… 44-օրյա պատերազմի նահատակ Մարատ Հակոբջանյան

Տեղադրվել է - Նոյեմբեր 8, 2021 0
Շամբամիջայն հրապարակում, որ արցախյան քառօրյայի նահատակ, համայնքի երջանկահիշատակ ղեկավար Մայիս Միրզոյանի անունն է կրում, ինձ դիմավորեց Սիսիան համայնքի Դարբաս-Շամբ գյուղերի…

Leave a comment

Ձեր էլ. Փոստի հասցեն չի հրապարակվի:

*

code