ՎԱՂԸ ՎԱՐԴԱՎԱՌ Է…

Տեղադրված է at Հուլիս 22, 2023
2339 0

Այս տարի ամռան ամենաշոգ օրերի ամենաուրախ եւ ջրառատ տոնը՝ Վարդավառը, Հայաստանի գյուղերում եւ քաղաքներում նշվել է հուլիսի 16-ին:

Իսկ այ Անգեղակոթում, անհիշելի ժամանակներից ի վեր, Վարդավառը նշվում է հուլիս ամսվա նախավերջին կիրակի օրը: Տոնի գեղեցիկ ու հիշարժան ավանդույթները Անգեղակոթում պահպանված են վաղնջական ժամանակներից: Այդ օրը վաղ առավոտից գյուղում հաճելի եռուզեռ է. գյուղացիները ամենաբազմազան գնումներ են կատարում, գառ մորթելը պարտադիր է, հետո` մոմավառություն Սուրբ Վարդան Զորավոր սրբավայրում, ապա` ջրոցի, հյուրընկալություններ, հյուրասիրություններ…

Այդ օրն Անգեղակոթում բազմամարդ է լինում, տարբեր բնակավայրերից մարդիկ են գալիս ուխտավայր` մոմավառության, կազմակերպվում է հուշանվերների, քաղրցրեղնի տոնավաճառ, ուրախ տոնախմբություն….

Անգեղակոթն այդպիսին է՝ տարբերվող, յուրահատուկ, հյուրընկալ եւ այնքան հին, որքան հայ ժողովուրդը: Անգեղակոթցին լավ գիտի իր պատմությունը ՝ պարծենալու աստիճան: Պատմական Անգեղակոթն իրեն բնորոշ ճակատագրով, առանձնահատուկ կողմերով, բազմաթիվ սառնորակ աղբյուրներով, հուշակոթողներով, սրբավայրերով ինքնատիպ աշխարհ է, որը միշտ բաց է բոլորի առաջ:

Վաղը Վարդավառ է, վաղը տոն է Անգեղակոթում, Վարդան Զորավոր-Զորավարի տոնը, վաղը ուխտի օր է այն սրբազան ուխտավայրում, որտեղ, ըստ ավանդության, թաղված է Վարդան Զորավարը, որի շիրմին հետագայում կառուցվել է եկեղեցի եւ դարձել ամենանվիրական ու ամենազորավոր` Վարդավառի տոնը, որը նշվում է միայն պատմական հարուստ ժառանգությամբ հայտնի Անգեղակոթում…

Բարի ուխտ ու բարի Վարդավառ…

Լիանա Գեւորգյան

Անգեղակոթ

 

Ձեզ կարող է հետաքրքրել նաև

93-ԱՄՅԱ ԿԵՆՍԱԳՐԱԿԱՆ ԷՋԵՐ

Տեղադրվել է - Մայիս 7, 2023 0
Ամեն անգամ մեծ ուրախությամբ եմ ընդունում մեր հարգարաժան հայրենակից, ՀՀ ԳԱԱ թղթակից անդամ, դոկտոր-պրոֆեսոր Գրիգոր Ալեքսանդրի Ղարիբյանի` իր մանկության, պատանեկության…

Ձեր այդքան թանկ անունները քարին գրված չտեսնեի…

Տեղադրվել է - Հոկտեմբեր 15, 2024 0
2020-ի հոկտեմբերի 15-ին Ջրականում զոհվեց հայրենիքի պաշտպանությանը կամավորագրված Կարեն Իսրայելյանը: Ծնվել եւ դաստիարակվել էր արցախյան առաջին պատերազմի ազատամարտիկ Զորավիկ Իսրայելյանի…

Նկարիչ Զաքար Խաչատրյանն արժանացել է Հայաստանյայց Առաքելական Սուրբ Եկեղեցու բարձրագույն պարգեւին` «Սուրբ Սահակ-Սուրբ Մեսրոպ» պատվո շքանշանի

Տեղադրվել է - Փետրվար 6, 2024 0
Մայր Աթոռ Սուրբ Էջմիածնի դիվանատան հանդիսությունների սրահում հունիսի 15-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի ձեռամբ հայրենանվեր…

Leave a comment

Ձեր էլ. Փոստի հասցեն չի հրապարակվի: