Նոր ուսումնական տարին հայտարարվել է մշակութային կրթության տարի, որն անցնելու է մշակութային կրթության տարվա խորագրի ներքո՝ երեխաների ստեղծագործական միտքն ու նախաձեռնողականությունը խթանելու նպատակով:
Սեպտեմբերի 14-ին Գորիսի Ակսել Բակունցի տուն թանգարանում տեղի ունեցավ ՀՀ կրթության, գիտության, մշակույթի եւ սպորտի նախարարության կողմից կազմակերպված կրթամշակութային էքսպո, որին ներկա էին Սիսիան, Գորիս համայնքների ուսումնական հաստատությունների ներկայացուցիչներ, տնօրեններ, ուսուցիչներ, աշակերտներ:
Տաղավարներում ներկայացված էին մշակութային օջախների մասին տեղեկատվական գրքույկներ՝ ուշագրավ առաջարկություններով:
Էքսպոյի ընթացքում հյուրընկալ Գորիսում ականատես եղանք հրաշալի միջոցառման, որն իր մեջ ներառել էր նաեւ համերգային ծրագիր, հնչեց մասնավորապես դասական երաժշտություն:
Ներկաները շեշտեցին, որ անցկացվող Էքսպոն կրթական ծրագրերը նորարացնելու հրաշալի հնարավորություն է:
Էքսպո-24-ին, ի թիվս Սիսիանի տարածաշրջանի դպրոցների, մասնակցեց նաեւ Արեւիսի հիմնական դպրոցը:
–Աշակերտների այցը թանգարաններ հիանալի առիթ է նոր գիտելիքների ձեռք բերման եւ նրանց արժեհամակարգի ձևավորման համար: Ճանաչողական այցերը կարող են փոխել անձի տեսակետը ամբողջությամբ,-մեզ հետ զրույցում ասաց Արեւիսի հիմնական դպրոցի տնօրեն Ռիտա Գրիգորյանը:
Լիանա Գեւորգյան
